التدفئه الخاصه بالطيور

ظهر و انتشر بين الهواه منذ اكثر من عام نظام لتدفئه الطيور بالغرف و المزارع الخاصه بالهواه

شيء جميل جدا جدا ان الانسان يكون عايز يطور من نفسه للافضل و الاحسن بس لازم

 نفهم قبل ما ننفز اى حاجه

ادخل فى الموضوع

اولا لازم حضرتك تفهم ان الله عز و جل خلق الطيور و خلق لهم طبيعه معينه يتعايشون فيها بمعنى ان فى الطبيعه الطيور ما بتجبش دفايات و لمبات للتدفئه علشان الجو برد بالعكس بيختاروا فصل الشتاء للتزاوج بعضهم و البعض الاخر يختار فصل الصيف

و اغلب طيور الزينه اصلا تتعايش فى دول و قارات اصلا بارده طيب يا عم يونس انت بتقول كده ليه تقصد ان مش مهمه التدفئه ليهم يا استاذى المربى اقصد ان حضرتك لو مش عايز تدفى مش هايضر الطيرالشىء الوحيد الذي يضر الطيور هى تيارات الهواء المباشره لكن طالما حضرتك بتربى فى غرفه او بلاكونه او اى مكان مقفول عن تيارات الهواء الطير لا يتاثر بالبروده

لكن الكثر من المربين يخطأ و من حبه لطيوره يقرر ان يعمل تدفئه لمكان التربيه الخاصه به و تبداء المشاكل تظهر بالرغم من انه لما كان مش عامل بنظام التدفئه كانت الدنيا جميله و بسيطه

طيب اقول نمشيها تطور يبقى الشتاء تدفئه نهار و ليل بمعنى ماينفعش حضرتك تشغل الدفايات ايا كان نوعها لمبات شمع اى نوع مساء و نطفى صباح لان بيحدث تغير فى جو الغرف مفاجىء و هذه هى الكارثه لان الطير بيكيف نفسه و ريشه على وضع معين و فجاء حضرتك دخلت عليه معامل مساعد لكنه لو ما تمش استحسانه يضر

تخيلوا معايا كده كل يوم بتغير جو الغرفه بالليل ساخن صبح بارد . ليل ساخن صبح بارد .ليل ساخن صبح بارد و هكذا على اخر الشتاء هاتلاقى حضرتك فاقد من الطيور و الفروخ محترم يبقى لو حبينا نشتغل بانظمه التدفئه حضرتك بدل ما تكلف نفسك و تجيب ملبه واحده تعالى على نفسك شويه كمان و خليهم اتنين كل 12 ساعه واحده تشتغل تفضل درجه حراره الغرفه ثابت معلومه اللمبات الحراريه او الانفرا تعطى دفىء طب فين الشمس هناك لمبات للاشعه الفوق بنفسجيه و ديه لو حضرتك وفرتها ما تشتغلش امثر من 8 ساعات فقط

استاذى طب لو ما جبتش دفايات الطيور هاتنضر طالما مافيش تيارات هواء بارد او حتى دافىء الطيور لا تتاثر ببروده الجو ممكن نعطيهم وجبات ذات سعرات حراريه عاليه تعطيهم دفء و نكثر من الحبوب ذات الدهون العاليه و هايكون فيه موضوع منفصل يشرح الوجبات التى بها سعرات عاليه حتى لا اطيل اكثر.

اتمنى ان اكون وصلت معلومه و ماكنش نسيت حاجه بعتذر على الاطاله

مع خالص تحياتى للجميع

منقول من الاستاذ : يونس الشاعر